ՍՊԱՍՎՈՒՄ Է ՆՈՐ ԹՈՂԱՐԿՈՒՄ
#EuropeanAuthorsDay #ReadForReal 2026 թվականի թողարկումը կրկին կհամախմբի ընթերցողներին, հեղինակներին և մշակութային կազմակերպություններին ողջ Եվրոպայում:
2026 թվականի նոյեմբերի 11-ից դեկտեմբերի 12-ն ընկած ժամանակահատվածում դպրոցները, գրադարանները, գրախանութները և մշակութային հաստատությունները կկազմակերպեն գրական միջոցառումներ, որոնք կկապեն հեղինակներին ընթերցողների հետ և կփառաբանեն գրքի ուժը:
Նոր թողարկման նախապատրաստական աշխատանքները կսկսվեն 2026-ի սկզբին՝ աստիճանաբար ձևավորելով կազմակերպիչների և գործընկերների եվրոպական ցանց:
Անկախ նրանից՝ դու կազմակերպիչ ես, հեղինակ, թե ընթերցասերների համայնքի անդամ, հրավիրված ես միանալու նախաձեռնությանը:
Իմացիր, թե ինչպես քո հաստատությունը կամ կազմակերպությունը կարող է մասնակցել նախաձեռնությանը:
2026 թվականի թողարկումն ընդգծում է ընկերությունն ու միասնականությունը որպես ներշնչանքի աղբյուր նրանց համար, ովքեր գաղափարներ են փնտրում իրենց միջոցառումների համար: Սա բաց հրավեր է՝ ստեղծելու իրական, օֆլայն կապեր համատեղ ընթերցանության, զրույցի, ինչպես նաև մտքերի ու հույզերի փոխանակման միջոցով: Գրքերն օգնում են մեզ հասկանալ միմյանց, զարգացնել հաղորդակցման հմտությունները և տարածք ստեղծել իմաստալից ու տևական հարաբերությունների համար համայնքներում և ողջ Եվրոպայում:
2026 ԹՎԱԿԱՆԻ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԸ
#ReadForReal2026 թողարկման նախապատրաստական աշխատանքները տեղի են ունենում ողջ տարվա ընթացքում: Ժամանակ մի՛ կորցրու և նախապես պլանավորիր քո գործողությունները: Ծանոթացիր այս տարվա տոնակատարության հիմնական փուլերին:
ՄԱՐՏ
ՀԱԲԵՐԻ ԱԿՏԻՎԱՑՈՒՄ
Մենք զարգացնում ենք Ազգային հաբերի ցանցը, որոնք համակարգում են գործունեությունը մասնակից երկրներում:
Հետաքրքրվա՞ծ ես դառնալ Ազգային հաբ: Մենք պատրաստել ենք հատուկ գործիքակազմ՝ այս դերը ստանձնող կազմակերպություններին աջակցելու համար:
Ուսումնասիրիր գործիքակազմը և իմացիր, թե ինչպես համակարգել նախաձեռնությունը քո երկրում:
ԱՊՐԻԼ
ՄԱՅԻՍ
ՀԱԲԵՐԻ ՈՐՈՆՈՒՄ
Մենք խրախուսում ենք դպրոցներին, գրադարաններին և մշակութային հաստատություններին սկսել միջոցառումների պլանավորումը և կապ հաստատել իրենց Ազգային հաբերի հետ:
Կազմակերպիչներն արդեն կարող են ուսումնասիրել ցանցը և դիմել իրենց երկրում գործունեությունը համակարգող հաբին: Հիմա նաև լավ պահ է հայտնելու տպագիր ողջույնի փաթեթներ ստանալու ցանկության մասին, որոնք ներառում են գովազդային և տեղեկատվական նյութեր և աշնանը կբաժանվեն կազմակերպիչներին Ազգային հաբերի միջոցով:
Ստուգիր Ազգային հաբերի ընթացիկ ցանկը, կապվիր քո տեղական համակարգողի հետ և իմացիր, թե ինչպես ստանալ կազմակերպիչների համար նախատեսված տպագիր նյութերը:
ՄԱՅԻՍ
ԳՐԱԳԻՏՈՒԹՅՈՒՆ ՀԱՆՈՒՆ ԺՈՂՈՎՐԴԱՎԱՐՈՒԹՅԱՆ
Մենք հրավիրում ենք հաբերի ներկայացուցիչներին Վարշավայում կայանալիք «Գրագիտություն հանուն ժողովրդավարության. կերտելով ապագան» միջազգային համաժողովին:
Միացիր բանավեճին և մասնակցիր գրագիտության, ընթերցանության խթանման և Եվրոպայում կրթության ապագայի վերաբերյալ քննարկումներին: Եթե չես կարող ներկա գտնվել անձամբ, կարող ես հետևել համաժողովին առցանց:
Բացահայտիր, թե ինչպես մասնակցել և ներդրում ունենալ քննարկումներում:
ՄԱՅԻՍ
ՀՈՒՆԻՍ
ՀՈՒԼԻՍ
ՄԻՋՈՑԱՌՈՒՄՆԵՐԻ ՊԼԱՆԱՎՈՐՈՒՄ
Մենք աջակցում ենք կազմակերպիչներին և հեղինակներին՝ նախապատրաստելու գալիք ծրագրի միջոցառումներն ու գործընկերությունները:
Սա այն ժամանակն է, երբ պետք է մշակել միջոցառումների գաղափարներ, կապ հաստատել հեղինակների հետ և սկսել տեղական գրական գործողությունների պլանավորումը: Տպագիր ողջույնի փաթեթները կբաժանվեն Ազգային կենտրոններին:
European Authors Tour միջոցառումների հայտարարում
Մենք կհայտարարենք Ազգային հաբերի կողմից կազմակերպվող առանցքային միջոցառումների ցանկը՝ որպես European Authors Tour-ի մաս: Այս ծրագրի շրջանակներում յուրաքանչյուր մասնակից երկիր կհյուրընկալի մեկ այլ երկրից ժամանած միջազգային հեղինակի՝ ընթերցողների հետ հանդիպելու և հատուկ գրական միջոցառման մասնակցելու համար:
ՕԳՈՍՏՈՍ
ԳՐԱՆՑՈՒՄ
Մենք բացում ենք միջոցառումների գրանցումը ողջ Եվրոպայի հաստատությունների համար:
Գրանցիր քո միջոցառումները, ոգեշնչվիր այլ կազմակերպիչներից և ոգեշնչիր ուրիշներին մասնակցել:
Եղիր տեսանելի. մենք միասին ստեղծում ենք ընթերցանության միջոցառումների եվրոպական ցանց:
Ներկայացրու քո միջոցառումը և դարձիր եվրոպական ծրագրի մաս:
ՍԵՊՏԵՄԲԵՐ
ՀՈԿՏԵՄԲԵՐ
ՆՈՅԵՄԲԵՐ
ՄԻՋՈՑԱՌՈՒՄՆԵՐԻ ՎԵՐՋՆԱԿԱՆ ՆԱԽԱՊԱՏՐԱՍՏՈՒՄ
Մենք հայտարարում ենք մասնակից կազմակերպիչների, հեղինակների և սպասվող միջոցառումների մասին:
Ողջ Եվրոպայում գրանցված միջոցառումները սկսում են հայտնվել ծրագրում և գովազդվում են նախագծի ուղիներով:
Կազմակերպիչների համար նախատեսված տպագիր ողջույնի փաթեթները Ազգային հաբերի կողմից կբաժանվեն միջոցառումների կազմակերպիչներին: Առցանց նյութերը հասանելի կլինեն կայքում ներբեռնման համար, ներառյալ պատրաստի գործողությունների և դասերի սցենարները:
European Authors Tour միջոցառումների թարմացված ցանկ
Մենք կթարմացնենք Ազգային հաբերի կողմից կազմակերպվող առանցքային միջոցառումների վերջնական ցանկը՝ որպես European Authors Tour-ի մաս:
11 ՆՈՅ. – 12 ԴԵԿ.
ՏՈՆԱԿԱՏԱՐՈՒԹՅՈՒՆ
Ընթերցանության եվրոպական տոնակատարությունը տեղի է ունենում եվրոպական բազմաթիվ երկրներում:
Դպրոցները, գրադարանները, գրախանութները և մշակութային կազմակերպությունները հյուրընկալում են գրական միջոցառումներ՝ կապելով հեղինակներին և ընթերցողներին Read. For Real նախաձեռնության շրջանակներում:
Մենք կկիսվենք քո հրապարակումներով, պատմություններով, տեղեկություններով և տպավորություններով #ReadForReal նախագծի պաշտոնական Facebook և Instagram էջերում:
Նոյեմբերի 19-20-ին Ֆրանսիայի Բլուա քաղաքում տեղի կունենան #ReadForEurope աշխատաժողովները, որտեղ մասնակիցները միասին կաշխատեն ողջ Եվրոպայում ընթերցանության խթանման ընդհանուր ռազմավարության շուրջ և կփոխանակեն տեղական նախաձեռնությունների փորձն ու լավագույն գործելակերպը:
Գտիր քո երկրում Read. For Real-ը համակարգող կազմակերպությունը և միացիր տոնակատարությանը:
ՄՏԱԾԵԼՈՎ ԱՊԱԳԱՅԻ ՄԱՍԻՆ՝ ՄԻԱՑԻՐ ՄԵԶ
Դու հրատարակի՞չ ես, ուսուցի՞չ, գրադարանավա՞ր, գրավաճա՞ռ, ձեռնարկատե՞ր, թե՞ պարզապես ընթերցասեր: Միացիր տոնակատարությանը և պլանավորիր քո միջոցառումը որպես #EuropeanAuthorsDay #ReadForReal2026-ի մաս:
Միջոցառում կազմակերպելը հնարավորություն է գրականությունն ավելի մոտեցնելու երեխաներին ու երիտասարդներին, ոգեշնչելու բոլոր տարիքի ընթերցողներին և լինելու ընթերցանության եվրոպական տոնակատարության մաս: Անցյալ տարի ողջ Եվրոպայի մասնակիցները կիսվեցին անհավանական փորձառություններով. տես, թե ինչ է տեղի ունեցել 2025-ին և ոգեշնչվիր ուրիշների տոնակատարություններով:
Հեղինակների համար
Հեղինակներն ու պատկերազարդողները նախաձեռնության հիմքում են:
Ընթերցողների հետ հանդիպումների միջոցով գրողներն օգնում են գրականությունն ավելի մոտեցնել երիտասարդ լսարանին և ստեղծել բովանդակալից մշակութային շփումներ:
2026 թվականի թողարկմանը մասնակցելու ցանկություն ունեցող հեղինակներին խրախուսվում է համագործակցել կազմակերպիչների և ազգային հաբերի հետ, որոնք պլանավորում են միջոցառումներ տոնակատարության ժամանակահատվածում:
European Authors Tour
2026 թվականի թողարկումը կներկայացնի գլխավոր ծրագիրը՝ European Authors Tour-ը:
Այս առանցքային միջոցառումների շարքը հեղինակներին կբերի եվրոպական տարբեր երկրներ: Ընտրված գրողները կճամփորդեն մասնակից երկրների միջև՝ մասնակցելով ընթերցողների հետ հատուկ հանդիպումների, որոնք կազմակերպվում են Ազգային հաբերի կողմից:
Յուրաքանչյուր հաբ կհյուրընկալի հյուր հեղինակի մեկ այլ երկրից՝ հնարավորություն ստեղծելով լսարանի համար բացահայտելու տարբեր գրական մշակույթների ձայները և զգալու եվրոպական գրականության բազմազանությունը:
European Authors Tour-ի ամբողջական ծրագիրը կհայտարարվի ըստ ժամանակացույցի:
Միացիր ընթերցանության եվրոպական տոնակատարությանը
#ReadFoReal կարգախոսի ներքո կազմակերպված յուրաքանչյուր միջոցառում իր ներդրումն է ունենում գրականության ընդհանուր եվրոպական տոնակատարության մեջ:
Հետևիր մեզ սոցիալական ցանցերում՝ ամեն շաբաթ թարմացումներ ստանալու համար: